Бројни ѕвезди со префинет моден вкус вчера повторно се собраа на Мет Гала, а меѓу нив како и секогаш најистакната беше пејачката и актерка Џенифер Лопез.
Атрактивната Џеј Ло се движеше по скалите на Метрополитен музејот на уметност во Њујорк во прекрасен „гол“ фустан украсен со кристали и сребрени монистри.
Впечатливиот фустан е дело на дизајнерот Даниел Роузбери и е парче од високата мода на Скиапарели кое има драматично скулптурно деколте чии елементи налик на гранки се шират низ ткаенината што го обви телото на Џенифер.
View this post on Instagram
Транспарентната ткаенина е покриена со повеќе од 2,5 милиони монистри и кристали изработени од сребрена фолија кои интересно откриваат доволно за да го задржат впечатокот недооценено и елегантно.
Спектакуларниот аутфит бараше повеќе од 800 часа рачен вез, а латино дивата го спои со свилени шампањ потпетици, масивен дијамантски ѓердан, дијамантски нараквици и обетки.
Извор: kurir.mk
