Нормално овој знак значи забрана за паркирање на овој простор, меѓутоа на некои места во Тетово, од страна на несовесни возачи, овој знак воопшто не се почитува и значи ништо, а автомобилите се паркираат точно каде што е поставен знакот.
Ова се повторува речиси на сите улици во градот, но посебно во споредните улици. Се паркираат на забранети места и на улиците до болницата и до оние кои водат до полициската станица. Често се блокирани и влезовите на зградите. Здравствените работници и пожарникарите кои реагираат во итни случаи велат дека често се случува да не можат да излезат набрзина, блокирани од паркираните автомобили.
„Хаосот што се создава во сообраќајот во Тетово, особено во овој момент, многу ја отежнува нашата работа. Познато е дека кога доцнат пожарникарите тоа значи материјална штета и човечки животи. Во Тетово полицијата мора да интервенира на места кои не се слободни, затоа апелирам до тетовската полиција да преземе мерки“, рече Авни Амети. началник на ППЕ Тетово.
„На терен ситуацијата е многу тешка за работа за нас како тим за брза помош, поради многу ниската свест на дел од граѓаните за тоа како се вклучуваат во сообраќајот, како се паркираат, како го зафаќаат патот. Сме имале многу итни ситуации каде што секоја секунда чини живот за пациентот, но наидовме на некои граѓани кои паркираат лошо и не прават место за амбулантното возило“, рече Бесник Мустафаи, доктор во Ургентно одделение.
Од полицијата велат дека и покрај казните кои граѓаните ги изрекуваат, сепак ги кршат правилата за сообраќај.
„Само од страна на припадниците во станицата во Тетово, во текот на четирите месеци се преземени 1350 мерки против прекршителите кои не ги почитувале правилата за паркирање. Во овој период од страна на пајак службата на општината беа подигнати 609 возила, што го попречиле нормалното одвивање на сообраќајот. Од наша страна, постојано се преземаат мерки, но свеста кај возачите воопшто не се зголемува“, нагласи Фатмир Реџепи, портпарол на СПБ Тетово.
Надлежните ги повикуваат граѓаните да ги почитуваат знаците на сообраќајот и да не ги блокираат патиштата./Алсат.мк
Башким Сулејмани
Извор: alsat.mk
