Нетанјаху најави напад на Рафа со или без договор за размена на затвореници

АНКАРА (АА) – Израелскиот премиер Бенјамин Нетанјаху изјави дека ќе изврши копнен напад врз градот Рафа во јужниот дел на Појасот Газа, без разлика дали е постигнат договор за размена на затвореници со Хамас или не, јавува Анадолу.

Нетанјаху се состана со претставници на роднините на израелските затвореници во Газа, се наведува во соопштението на Канцеларијата за медиуми на израелскиот премиер.

Наведувајќи дека нема да ги запре нападите врз Газа „додека не ги постигнат своите цели“, Нетанјаху рече дека ќе изврши копнен напад врз Рафа без разлика дали е постигнат договор за размена на затвореници или не.

Најавата на Нетанјаху за копнен напад врз Рафа, каде што се засолниле 1,5 милиони раселени Палестинци, доаѓа во период кога продолжуваат преговорите за размена на затвореници меѓу Израел и Хамас.

Во веста објавена вчера во египетските медиуми се наведува дека делегацијата на Хамас го напуштила Каиро и дека писмено ќе одговори на понудата за договор за прекин на огнот.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.