Фидан: „Израел не ги убива само Палестинците туку и меѓународното право“

ИСТАНБУЛ (АА) – Долгогодишниот спор меѓу Израел и Палестина не е обичен конфликт, туку борба меѓу угнетувачите и угнетените, изјави денес турскиот министер за надворешни работи, Хакан Фидан, јавува Анадолу.

„Конфликтот меѓу Израел и Палестина се претвори во вистински конфликт меѓу угнетувачи и угнетени“, рече Фидан на прес-конференцијата со Винстон Питерс, колега од Нов Зеланд.

Фидан нагласи дека конфликтот меѓу Израел и Палестина се претворил во „борба меѓу основачите на меѓународниот систем и угнетените во овој систем“.

Шефот на турската дипломатија истакна дека Израел не само што убива Палестинци, туку го убива и меѓународното право.

Израел спроведува брутална офанзива против Појасот Газа од прекуграничниот напад на палестинската група Хамас на 7 октомври.

Оттогаш во израелски бомбардирања и гранатирања на цивилни населби, училишта, верски објекти и болници се убиени повеќе од 34.300 Палестинци, главно жени и деца, а над 77.300 се повредени во услови на масовно уништување и недостаток на неопходни средства.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.