Резултатите од првиот круг од парламентарните избори го истакнаа изборниот преглед на лидерите на албанските политички партии во нивните упоришта. Шефот на ДУИ, Али Ахмети успеа да го задржи своето упориште во Кичево со разлика од 6.000 гласови во однос на политичките противници од албанскиот блок. Во првиот круг, во Кичево, Бујар Османи доби над 8.000 гласа, додека Арбен Таравари над 2.000.
Рамиз Мерко и Зијадин Села потврдија дека може да сметаат на Струга. Во овој град Европскиот фронт освои над 4.700 гласови пред коалицијата ВЛЕН, односно над Арбен Таравари кој доби над 3.300 гласа, а Османи над 8.000.
Ахмети со помош на Европскиот фронт успеа да добие поддршка и во Сарај, Липково и Чаир. Во општината со мнозинство функционери на ДУИ, Ахмети успеа да обезбеди водство од 1.400 гласа пред Изет Меџити.
Арбен Таравари успеа да обезбеди победа во Гостивар со минимално водство од 75 гласа, а првиот човек на Движењето Беса и градоначалник на Тетово, Билал Касами има 700 гласа помалку од Европскиот фронт. Во 2021 година, Тетово гласаше за Касами, по неколку последователни мандати што ДУИ ги имаше со Теута Арифи во оваа општина.
Во шесте градови каде доминираат албанските политички партии Струга, Кичево, Гостивар, Тетово, Сарај и Чаир, разликата меѓу Европскиот фронт и коалицијата ВЛЕН е над 15.000 гласови. Европскиот фронт обезбеди околу 60 илјади гласови, а албанската опозиција, поточно Арбен Таравари, околу 45 илјади гласови.
Извор: alsat.mk
