Врховен суд ја уважи жалбата на таткото на Вања, Александар Ѓорчевски и ја преиначи одлуката на Апелација. Наместо притвор во истражниот затвор Шутка, Ѓорчевски доби куќен притвор и мерка за претпазливост.
Малолетната Вања Ѓорчевска, која беше пријавена за исчезната на 27 ноември, беше пронајдена мртва во близина на Скопје на 3 декември, кога во близина на Велес беше пронајден мртов и велешанецот Панче Жежовски, кој, пак, беше пријавен за исчезнат на 24 ноември.
За двете убиства, првообвинет е Љупчо Палевски Палчо, за кого се чека екстрадиција од Турција, а за соучество се товарат и Велибор Манев, Влатко Кешишов и Боре Видевски кои се во притвор во Скопје.
Таткото на Вања, Александар Ѓорчевски е осомничен дека помагал во грабнувањето со тоа што, како што соопштија своевремено надлежните, споделувал информации со другите осомничени за движењето на неговата ќерка.
Извор: 24vesti.mk
