Американската база во Сирија нападната со беспилотни летала и ракети

ТАЛ АБЈАД (АА) – Базата во која се стационирани американските сили во североисточна Сирија беше нападната доцна синоќа, јавија локални извори, пренесува Анадолу.

Базата на аеродромот Караб ал-Џир во градот Ал Ја’рубијах во покраината Ал Хасека била цел на неидентификувани беспилотни летала и ракети камиказе.

Засега нема официјална изјава за нападот.

Терористичките организации поддржани од Иран, стационирани на западниот брег на реката Еуфрат, извршија ракетни напади врз базата на меѓународната коалиција предводена од САД во нафтеното поле Ал-Омар во сирискиот Гувернат Деир Ез-Зор на 28 февруари.

Во последно време американските воени бази во Сирија беа нападнати од неидентификувани вооружени беспилотни летала и оружје од типот „земја-земја“.

Групите поддржани од Иран повремено изведуваат напади со ракети и беспилотни летала врз американските бази на источниот брег на реката Еуфрат.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.