Во пад на два хеликоптери во тек на вежба во Јапонија загина едно лице, 7 исчезнаа

АНКАРА (АА) – Најмалку еден член на екипажот загина, а уште 7 се водат за исчезнати откако два хеликоптери на јапонските поморски сили за самоодбрана се урнаа во текот на вежба над Пацификот доцна синоќа, пренесува Анадолу.

Два хеликоптери паднаа во море 270 километри источно од островот Торишима, во синџирот острови Изу, во текот на ноќна вежба на тоа подрачје.

„Верувам дека се судриле меѓусебно“, изјави денес министерот за одбрана, Минору Кихара, пренесе Кјодо Њузс со седиште во Токио.

Синџирот острови Изу се наоѓа јужно од Токио.

Со хеликоптерите од типот SH-60K, со по 4 членови на екипажот, изгубен е контактот во 22:38 часот по локално време.

Сѐ уште не е позната причината за несреќата.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.