Пожар ноќеска е подметнат на депонијата за одлагање цврст отпад „Буково“ кај Охрид. Според Јавното претпријатие „Охридски комуналец“, екипи веднаш биле испратени на терен, каде се преземени сите неопходни мерки за локализирање и гаснење на пожарот.
„Во гаснењето на пожарот се вклучија екипите на Противпожарната единица Охрид а со специјална механизација опожарениот дел ќе се покрива со големи количини земја“, велат од „Охридски комуналец“. За инцидентот се известени и во СВР-Охрид.
Извор: 24vesti.mk
