Вчера беше уапсен и ставен во притвор, утрово почина во Полициското одделение во Бор. Братот на осомничениот за убиството на Данка Илиќ кој беше приведен под сомнение дека му помогнал во извршување на злосторството, починал од срцев удар.
Кај 40- годишниот брат на човекот кој го призна убиството, лекарите контатирале природна смрт, но вишото јавно обвинителство во Заечар издало наредба да се изврши обдукција на телото.
Од синока е затворен и таткото на осомничениот за убиството и починатиот кој се сомничи дека помогнал да се префрли телото од депонијата на непозната локација. Полицијата се уште трага по телото на малата Данка Илиќ. Се пребарува пештерата Лазарев, која се наоѓа кај селото Злот, потоа Кањонот Лазарев, како и целиот простор покрај реката Злот. На двајца осомничени за убиство на двегодишно дете им е одредена мерка притвор до 30 дена.
– Припадниците на МВР ќе извршат опсежен претрес на територијата на градот Бор со цел да го пронајдат телото на девојчето и да ги утврдат сите околности под кои таа починала“. – велат од МВР на Србија.
Обвинителството соопшти дека Д. Д. го признал делото, додека Ј. С. се брани со молчење. Коментирајќи го убиството на двегодишното девојче Данка Илиќ, српскиот претседател Александар Вучиќ рече дека ќе и предложи на Владата повторно да се воведе смртната казна за најтешките кривични дела. Граѓаните на Бор и Бањско поле секој ден носат цвеќе и свеќи и упатуваат сочувство до семејството Илиќ.
Извор: 24vesti.mk
