Ивица Боцевски поранешен вицепремиер за евроинтеграции во емисијата 24 анализа рече дека секоја политичка партија води кампања да ги изнесе нејзините најголеми подржувачи, да ги собере своите и да се отвори кон неопределените. Смета дека кампањата е насочена кон тој слој на граѓаните.
– Овој дел од митинзите е насочен кон внатре и се праќаат пораки кон општата јавност. Од самиот почеток на кампањата на СДСМ од Прилеп укажува дека таа партија е погодена од расцепот што го прави градоначалникот на Куманово. СДСМ сака да покаже дека се уште е партија на асномскиот патриотизам и затоа е одбран Прилеп за почеток на кампањата. Изненади отсуството на Ковачевски. Првите обраќања се оние кои го даваат тонот на кампањата. Ова ќе биде долга кампања и почна кога завршија локалните избори. – вели Боцевски.
Извор: 24vesti.mk
