Италијанските медиуми објавија фотографии од сообраќајната несреќа во која учествуваше автобус со македонски туристи, при што загина возачот на автобусот а повредени се 12 патници.
До верижниот судир, како што јавуваат италијанските медиуми, дошло денеска околу 10 часот. Според информациите, автобусот се судрил со два камиони на автопатот меѓу градовите Асколи Пичено и Анкона, се судрил со два камиони.
„Министерството за надворешни работи на Република Северна Македонија преку Амбасадата во Рим информирано е дека денес на автопатот меѓу градовите Асколи Пичено и Анкона во Италија се случила сообраќајна незгода во која учествувал автобус на туристичка агенција од Северна Македонија, при што на лице место починал возачот на автобусот, Р. И. (1965 година) државјанин на Северна Македонија, додека полесно повредени се 12 патници, исто така наши државјани.
Министерството преку Амбасадата во Рим останува во континуирана комуникација со надлежните италијански институции, кои работат на целосно расчистување на случајот“ наведуваат од МНР.
Министерството преку Амбасадата во Рим останува во континуирана комуникација со надлежните италијански институции, кои работат на целосно расчистување на случајот.
Извор: 24vesti.mk
