Двегодишната Данка Илиќ од Бор, по која се трагаше 10 дена, е убиена. Две лица осомничени за убиството се уапсени. Ова го соопшти српскиот претседател Александар Вучиќ на вонредна седница на Владата на Србија.
„Имаме лоши вести за детето од Бор, Данка Илиќ е убиена. Полицијата уапсила две лица кои ја убиле Данка и колку што разбрав и двајцата го признале делото.“ – рееч Вучиќ.
Вучиќ и се заблагодари на полицијата за големиот труд и посветеност. За убиството на Данка се уапсени двајца 50-годишни работници на јавното комунално претпријатие „Водовод“ од Бор. Според информациите, тие ја удриле и усмртиле Данка со службено возило, по што телото го ставиле во багажникот и го фрлиле на дива депонија кај Бор.
„Дента, осомничените додека возеле, ги застанал таткото на девојчето и ги прашал дали виделе девојче, а тие одговориле негативно. Двајцата не одведоа на депонијата, но имаме сознанија дека едниот се вратил на 28 март и го префрлил телото на друга локација. Си ја префрлаа одговорноста.“ – изјави Братислав Гашиќ министер за внатрешни работи.
Обвинителството во Бор соопшти дека се приведени Срѓан Јанковиќ и Дејан Драгијевиќ, како и дека се собираат докази за кривична постапка.
„На ден 04.04.2024 г. во 7 часот по наредба на Вишото јавно обвинителство Зајечар, Ј.С.од с.Лука и Д.Д. од с.Злот, поради постоење основно сомнение дека на 26.03.2024 год му го одзеле животот на детето Данка Илиќ, и дека со тоа сториле кривично дело тешко убиство од член 114 од Кривичниот законик“.
Ним им се става на товар тешко убиство за кое се предвидува казна затвор од десет години или доживотен затвор. Истрагата укажува дека ова се случило на 26 март околу 13 часот и 52 минути, односно само седум минути откако исчезна девојчето, како што кажа мајката во пријавата.
Инаку, претходно, потрагата по Данка се прошири се до Виена, откако се појавија информации дека таа била видена таму, што потоа беше демантирано од австриската полиција. Десет дена траеше потрагата по двегодишната Данка Илиќ која исчезна на 26 март во населбата Бањско Поле кај Бор, по што уследи масовна потрага.
Извор: 24vesti.mk
