– По десетдневна потрага, припадниците на МВР ги уапсија С.Ј и Д.Д., осомничени дека со автомобил ја возеле и ја убиле Данка, а потоа нејзиното тело го фрлиле на депонија – рече министерот.
Гашиќ истакнува дека и двајцата го признале и детално го опишале делото. Потоа презентираше ретроспектива на целиот настан.
-Околу 13 часот и 50 минути мајката била покрај возилото „фиат панда“ во кое биле осомничените видела бел автомобил и машко лице. И рекле дека биле на работна задача во Бањско поле, да проверат шахта. Нивните движења биле снимени на камера. Подоцна е снимено дека возилото застанало на капијата околу 13 часот и 50 минути.
Возилото во кое се превезувале С.Ј и Д.Д., околу 2 и пол минути било пред капијата, застанале бидејќи им бил потребен тоалетот. Потоа тргнале, и го удриле девочето на 30-40 метри од местото за застанување. Автомобилот го управувал Д.Д., а телото на девојчето С.Ј со помош на алатот го пренел на задното седиште.
Тие се договориле да го фрлат телото на девојчето. Во 13 часот и 57 минути таткото на Данка ги запрел и прашал дали го виделе девојчето, на што тие одговориле негативно – рече министерот.
Потоа со автомобил се упатиле кон депонијата и телото на девојчето го фрлиле.
-Детално го следевме движењето на мајката, и на сите лица кои поминале низ истата рута. Проверувавме и кога е направена фотографијата. Тоа беа важни индиции за да добиеме информации колку долго детето било надвор од видното поле на мајката. Минатата година имавме над 600 пријави за исчезнувања, а најмногу деца се наоѓаат за неколку часа – истакна Гашиќ.
Извор: kurir.mk
