Ердоган вети елиминирање на заканата од тероризмот во Туркије и регионот

ИСТАНБУЛ (АА) – Турскиот претседател Реџеп Таип Ердоган ја истакна одлучноста за елиминирање на заканата од тероризмот не само во својата земја, туку и во целиот регион во иднина, јавува Анадолу.

„Одлучни сме да покажеме дека за тероризмот нема место во иднината на Туркије и регионот. Со неодамнешните избори оваа одлучност е дополнително зајакната“, рече Ердоган обраќајќи се на ифтарот со безбедносните претставници во главниот град Анкара.

Тој исто така нагласи дека тероризмот не е политичко прашање и дека треба да се третира поинаку.

Ердоган рече дека сите терористички организации, ПКК, ФЕТО, ДЕАШ и ДХКП-Џ, се непријатели на турскиот народ.

Во својата речиси 40-годишна терористичка кампања против Туркије, ПКК, прогласена за терористичка организација од САД, ЕУ и Туркије, е одговорна за смртта на повеќе од 40.000 луѓе, вклучително и деца и жени.

Терористичката организација ФЕТО, предводена од Фетула Ѓулен, кој живее во САД и чија екстрадиција беше формално побарана од Анкара, е одговорна за крвавиот обид за пуч во Туркије ноќта на 15 јули 2016 година, во кој загинаа 251 лице, а ранети беа 2.200 лица.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.