Полицијата трага по напаѓачот кој рани две лица среде бел ден. Неофицјално првични сомнежи за вооружениот напад врз градоначалникот на Арачиново се поврзани со стара расправија со семејство од селото. Во нападот се ранети возачот на Ридван Ибраими и еден од вработените во општината.
Очевидци раскажаа дека брзата реакција на лице кое во моментот на инцидентот било до градоначалникот кога почнале рафалните истрели му го спасила животот. Возачот на градоначалникот, Адвин Ајдини е веднаш префрлен на Ургентниот центар со прострелни рани во градите и таму му е извршена итна операција. Тешко повредениот Ајдини е на 21-годишна возраст и ќе го преживее нападот, информира од клиниката.
Обвинителството издаде наредби, а МВР вчера го чешлаше теренот. Се прегледуваа и безбедносните камери за да се фати пукачот од Арачаиново. Од тоа што е јавно познато е дека Ибраими има еден познат непријател, а тоа се членови на семејството Ајвази. Тие се членови на семејството на првиот човек на огранокот на ДУИ и поранешен градоначалник на општина Арачиново, Брахим Ајвази.
Извор: skopskoeho.mk
