На осми мај граѓаните ќе имаат избор за да продолжат на патот кон Европската Унија или да се вратат назад, во времето на ВМРО-ДПМНЕ. Вака претседателот на СДСМ Димитар Ковачевски го започна говорот на 28от конгрес на партијата на која се избираа идните потенцијални пратеници или евентуално повисоки функционери во извршната власт. Ковачевски потенцираше дека во изминативе седум години неговата партија донела многу храбри одлуки.
„На осми мај изборот нема да биде само помеѓу партии и кандидатски листи, изборот на осми мај е мнопгу посуштински за сите нас како граѓани на оваа држава. Изборот е помеѓу надеж и просперитетна иднина со Социјалдемократскиот сојуз на Македонија. Или безнадежност и враќање 10 години назад со ВМРО-ДПМНЕ“, рече Димитар Ковачевски претседател на СДСМ.
Во изборната програма, Ковачевски најави просечна плата од 1100 евра, минуималец од 600 евра, најниска пензија 20 илјади денари, просечна пензија 30 илјади денари, плус 100 евра за нова година за секоиј пензионер. 200 евра за секое прво вработување на младите луѓе, 750 милиони евра субвенции за пензионерите. Потврда дека овие ветувања ќе се остварат се политиките кои ги води владеачката партија последниве седум години, рече Ковачевски.
„Во наредните четири години ќе инвестираме 2,7 милијарди евра во инфраструктурни проекти, тоа се 197 километри нови автопатишта, и реконструирани 950 километри патиштадо 2028 година“, рече Димитар Ковачевски претседател на СДСМ.
На крајопт на својот говор, Ковачевски ги потврди имињата кои ТВ 24 ги објави како носители на листите уште рано изутринава. Во првата изборна единица предводник е лично тој, во втората изборна единица на првото место е Оливер Спасовски, тројката ќе ја предводи директорката на УЈП Сања Лукаревска, четворката екс министерот за здравство Венко Филипче, петката е резервирана за Јован Митрески кој е нов собраниски спикер, и во шестата изборна единица е министерката за одбрана Славјанка Петровска. Пред овој конгрес социјал демократите имаа Извршен и Централен одбор кој според информациите бил полн со расправии, и во тензична атмосфера, а причина за тоа е што дел од функционерите не се најдоа на листите за пратеници.
Извор: 24vesti.mk
