СДСМ денеска на седници на централниот и на извршниот комитет, а потоа и на конгрес на партијата најави дека ќе ги официјализира носителите на кандидатските листи за парламентарните избори. Пред делегатите ќе биде презентирана и програмата за претстојните избори.
На почетокот на 28. конгрес на СДСМ на отворениот дел ќе се обрати лидерот димитар ковачевски, по што следува работниот дел.
ТВ 24 дојде до пратеничките листи на СДСМ. Освен двоецот Ковачевски и Зајкова, во првата изборна единица, добитно место има за Даниела Николова, актуелна пратеничка.
Во двојката по двоецот Спасовски – Битиќи е актуелната пратеничка Санела Шкријељ, актуелниот координатор на пратеничката група во Собранието. Во тројката по Лукаревска и Николовски, се лидерот на НСДП Горан Мисовски, Благој Бочварски, Љупчо Балковски од ВМРО НП. Во четвртата изборна единица, освен носителкиот тандем, Филипче и Тренчевска, е актуелниот пратеник Миле Талевски, па Соња Мираковска од НСДП. Во петката која ја носи како што објави ТВ 24 Јован Митрески и Бисера Костадиновска, третото место е за организацискиот секреатар Митко Трајчулевски. Во шестката освен Петровска и Демири, на листата се предвидени и Ема Нешковска, Андријана Томовска, Даниел Антонски.
Извор: 24vesti.mk
