Македонија не успева да го помине годишниот праг на странски инвестиции од 1 милијарда евра. Според податоците на Народната банка, државата во 2023 година има добиено 616,7 милиони евра во вид на странски инвестиции. Оваа бројка е блиска до странските инвестиции во Косово, Црна Гора и Босна и Херцеговина. Србија, која не е членка на НАТО, во текот на 2023 година успеа да привлече 4,5 милијарди евра во вид на странски инвестиции. Меѓу соседните земји, кои се дел од Европската Унија или НАТО, кои го надминуваат прагот од 1 милијарда евра годишно се: Хрватска, Словенија, Албанија, Бугарија.
Директорот на ТИРЗ, Јован Деспотовски, рече дека дирекцијата што ги застапува странските компании склучила договори за инвестирање во вредност од 450 милиони евра во 2023 година.
Во текот на минатата недела ТИРЗ како претставник на Владата го раскина и договорот со германската компанија NEXT.E.GO MOBILE SE, за изградба на фабриката за електрични автомобили во Тетово.
Претходно овој проект помпозно го најавија државните функционери кои споменаа отворање на 4.000 нови работни места.
Пропаднати странски инвестиции
„Фабрика за електрични автомобили E-ГO во Тетово
Хидроцентралата Чебрен од грчката компанија Архиродон
Проект за комплексот езеро Треска во Скопје
Инвестиција од јужнокорејската компанија „Алмак“
Американска компанија „Дура Автомотив Системс“
На почетокот на оваа година беше раскинат договорот со грчката компанија Архиродон, за изградба на хидроцентралата Чебрен, бидејќи беше кажано дека компанијата не обезбедила средства за реализација на проектот, како и ревитализацијата на комплексот езеро Треска во Скопје, преку турски инвеститори. Не се реализираа и ветувањето од 2021 година за инвестиција вредна 30 милиони евра на јужнокорејската компанија „Алмак“ и американската компанија „Дура автомотив системс“ за изградба на објект за производство на лесни профили за автомобилската индустрија каде требаше да се вработат 70 работници со плати од околу 2.000 евра.
Компаниите кои веќе инвестирале се од автомобилската индустрија, земјоделството, енергетиката, производството на храна, телекомуникациите, услугите за информатичка технологија. Според анкетата спорведена во Советот за странски инвестиции, повеќето од анкетираните се изјаснија дека не се подготвени повторно да инвестираат во земјата./Алсат.мк
Аднан Ќаили
Извор: alsat.mk
