Русија тврди дека ја презела контролата врз Мирноје во регионот Запорожје

МОСКВА (АА) – Министерството за одбрана на Русија соопшти дека руската војска ја презела контролата врз населеното место Мирноје во регионот Запорожје во Украина, јавува Анадолу.

Во соопштението на Министерството дадени се најновите информации за акциите на руската војска во Украина.

Се наведува дека Вооружените сили на Русија ја презеле контролата врз населеното место во регионот на Запорожје.

„Источните воени единици во правец на Јужен Доњецк го ослободија населеното место Мирноје по успешна акција“, се додава.

Во соопштението се наведува дека авијацијата, ракетните сили и артилериските единици на Вооружените сили на Руската Федерација во текот на денот гаѓале воени цели.

„Гаѓани се работилници за монтажа и подготовка на беспилотни летала, како и единици и воена опрема на Вооружените сили на Украина во 127 подрачја“, се истакнува во соопштението.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.