Српската пејачка Ана Николиќ неодамна на својот профил на Инстаграм ја обелодени преписката со нејзиниот поранешен сопруг, раперот Стефан Ѓуриќ Раста, а во една од пораките тој ѝ порачал дека нивната ќерка Тара ќе ја гледа само во Центарот за социјална работа.
„Детето можеш да го видиш следниот пат во Центарот за социјално“, ѝ порачал Раста на поранешната сопруга во една порака.
Меѓутоа, Ана тогаш изјави дека таа го има старателството над детето и дека нема никој да дозволи да ѝ го одземе тоа право.
Таа неколкупати зборуваше за семејната драма, а сега екипата на „Папарацо лов“ снимила еден ден на Раста и Ана и прикажала што се случува во нивните животи откако почнаа нова „војна“.
Имено, како што може да се види на видеото, ќерката Тара била со мајка си во станот, а потоа возачот на Раста дошол да ја земе и ја однел кај татко ѝ.
Потоа, Ана средена излегла од дома и се упатила кон Центарот за социјална работа на Вождовац. Како што може да се претпостави, таа и Раста очигледно покренале постапка во која е вклучен Центарот за да се најде најдоброто решение за детето.
По посетата на оваа установа, Ана продолжила да ги извршува секојдневните обврски, па отишла во менувачница, банка, а попатно извршила неколку набавки за куќата.
За тоа време, Тара била во станот на Раста и заедно отишле на неколку локации, меѓу кои и студиото на раперот, а потоа отишле на ручек со неговата мајка и девојка.
Извор: kurir.mk
