Независниот синдикат на професионални војници СО Скопје (НСПВ) денеска реагира преку соопштение по вчерашната прес-конференција во Министерството за одбрана, во врска со Законот за вработените во одбраната и за Колективниот договор. Во соопштението се наведува дека не било прифатено ниту едно од нивните барања и предлози ниту во однос на Законот, ниту за Колективниот договор.
Од НСПВ посочуваат дека имале едно барање за Законот за вработените во одбраната, а тоа е професионалните војници со високи образование да ги пополнат испразнетите места во МО, со што, како што наведуваат, ќе се вреднува и образованието и трудот на професионалните војници.
Колективниот договор, стои во соопштението од НСПВ, н ахартија е едно, а во реалност е друга ситуација. Тие тврдат дека се уште селективно се исплаќаат прекувремените и ноќните часови, нема хранарина, нема исплата на патни трпшоци, а има, се подвлекува во соопштението, намалени синдикални права за заштита на синдикалните претставници…
– На професионалните војници им е сопрена исплатата на опремнината за прекин на работниот однос по однос на наполнување на 45 години со изговор дека е изборен период, се вели меѓу другото во соопштението од НСПВ.
Извор: 24vesti.mk
