Биткоинот грми, доларот во „спирала на смртта“

March 8, 2024
1 min read

Биткоинот – заедно со поширокиот пазар на етереум, XRP и крипто – во текот на минатата година вртоглаво порасна, со некои прогнози дека доаѓа уште поголем бран.

Цената на биткоинот надмина 60.000 долари за биткоин, што повторно го прави имот од 1.000 милијарди долари, додека комбинираниот пазар на етереум, XRP и крипто е многу над 2 трилиони долари и сето тоа предизвикува сериозни предупредувања за „масовна колатерална штета“.

Аналитичари на Банката на Америка предупредија дека оптоварувањето на американскиот долг се зголемува и на секои 100 дена се додаваат 1 трилион долари, што ќе поттикне сериозен пораст на цената на биткоинот.

„Американскиот национален долг се зголемува за 1 трилион долари на секои 100 дена“, напиша Мајкл Хартнет, главен стратег на Банката на Америка, додавајќи дека тоа оди во прилог на златото и биткоинот. Со други зборови, на американскиот долар може да му биде украдена круната како главен чувар на вредноста.

Американскиот национален долг вртоглаво се искачи последниве години. На почетокот на оваа година ја премина границата од 34 трилиони долари што повлече луди предвидувања дека цената на биткоинот може да порасне и до 1 милион долари за биткоин.

„Тоа реално може да ја поремети следната администрација“, вели  професорот по финансии Жоао Гомес. „Доколку смислат планови за големи даночни намалувања или други големи фискални стимули, пазарите би можеле да се побунат, каматните стапки да скокнат и ете нè во криза веќе во 2025 година. Тоа реално може да се случи. Убеден сум дека, на крајот на деценијата, вака или онака, ќе бидеме во криза“.

Авторот на влијателната книга „Црниот Лебед“, Насим Талеб рече дека економијата на САД е во „спирала на смртта… сè додека имате Конгрес кој беркрајно го продолжува лимитот на долгот и да калкулира плашејќи се од последиците од преземањето правилни чекори.

„На крајот ќе имате должничка спирала“, вели Талеб, а “должничката спирала е како спирала на смртта“.

Ова не завршува добро“, го пренесува Форбс мислењето на Женевив Рох-Дектер, поранешен менаџер на средства кој го води билтенот на Грит Капитал.

ИЗВОР: off.net.mk

MARKETING

MARKETING

Претходно

Охриѓанка падна од трети кат на зграда, уапсени се двајца, можно е да ја турнале

Следно

Скопските екипи се разминаа во полуфиналето на Купот

Latest from Blog

ЕФА усвои резолуција за заштита на македонскиот идентитет во земјите на ЕУ и земјите кандидати, поднесена од МАЕИ и ОМО Илинден Пирин

Европската слободна алијанса (ЕФА) на Генералното Собрание одржано во Нант, Франција денеска усвоила резолуција за заштита на македонскиот идентитет во земјите на ЕУ и земјите кандидати, поднесена од Македонска алијанса за европска

Убиството во Штип организирано преку мобилна апликација

Основното јавно обвинителство во Штип отвори истрага против петмина турски државјани осомничени за убиството на 25-годишен сонародник, што се случи вечерта на 8 мај во угостителски објект на Градскиот плоштад „Слобода“. Судот

Алонсо подготвува историска промена во Мадрид

Во текот на наредните денови, Чаби Алонсо официјално ќе стане тренер на Реал Мадрид, почнувајќи од сезоната 2025/26, а мадридските медиуми веќе пишуваат за првите големи промени кои следат. Марка тврди дека

Денот на Европа одбележан во Скопје со едукативно-забавен настан „Европа низ детските очи“

Во Градскиот парк во Скопје, по повод Денот на Европа, Националната агенција за европски образовни програми и мобилност организираше уникатен настан посветен на децата. Под мотото „Европа низ детските очи“, во Македонија
Go toTop