ЛОНДОН (АА) – Генералниот секретар на Светската здравствена организација (СЗО), Тедрос Аданом Гебрејесус, изрази загриженост поради „страшната“ ситуација во Појасот Газа, велејќи дека децата во северниот дел на Појасот Газа умираат од глад, известува Анадолу.
„Сериозно ниво на неисхранетост, деца што умираат од глад, сериозен недостиг на гориво, храна и медицински материјали, уништени болнички згради“, објави Гебрејесус на социјалната мрежа Х.
Текстот е објавен по посетата на делегацијата на СЗО на болниците Ал-Авди и Кемал Адван на северот на Појасот Газа.
„Ситуацијата во болницата Ал-Авда е особено страшна бидејќи е уништена една зградите. Болницата Кемал Адван е единствена педијатриска болница во Северна Газа и преполна е со пациенти“, напиша Гебрејесус во објавата.
Гебрејесус изјави дека недостигот на храна резултирал со смрт на најмалку десет деца во овие болници, додавајќи дека недостигот на струја, исто така, претставува сериозна закана во негата на пациентите, особено во критичните одделенија, како што се интензивна нега и одделот за новороденчиња.
„Апелираме до Израел да обезбеди хуманитарната помош да може да биде испорачана безбедно и редовно. На цивилите, особено на децата и на здравствениот персонал, веднаш им е потребна ваша помош. Клучен лек што им е потребен на сите пациенти е мир, прекин на огнот“, порача шефот на СЗО.
Извор: Anadolu Agency (AA)
