ИСТАНБУЛ (АА) – Туркије ќе ги користи сите расположиви средства да ги запре угнетувањето во Газа и вознемирувањата во Кудс (Ерусалим) од страна на Израел, рече вчера претседателот на Туркије, Реџеп Таип Ердоган, известува Анадолу.
„Ќе ги користиме сите расположиви средства, без исклучок, да го запреме угнетувањето во Газа и вознемирувањата во Кудс“, рече претседателот на Туркије, Реџеп Таип Ердоган на собирот во турската западна област Баликесир.
Тој додаде дека Туркије работи на обезбедување на колективни акции со земјите од светот против угнетувањата во Газа.
Зборувајќи за антитерористичките напори на Туркије, Ердоган рече дека Анкара ќе започне нови операции за да ги попречи и порази обидите за формирање терористичка држава наспроти нејзината јужна граница со Сирија.
„Со новите операции ќе продолжиме да го разбиваме проектот на воспоставување ‘терористан’ кој има за цел да ја опколи нашата земја од јужните граници“, истакна Ердоган.
Извор: Anadolu Agency (AA)
