По подолг застој, продолжија работите на булеварот „Благоја Тоска“ кај градската касарна. Градоначалникот на Тетово Билал Касами, рече дека пречките се надминати и се очекува проектот да биде завршен во рок од 3 месеци.
„Денес сме тука да го видиме отпочнувањето и континуирано да ја следиме работата на овој проект, кој треба да биде завршен во рок од не повеќе од три месеци. Станува збор за сегмент во должина од 400 метри“, рече Билал Касами, градоначалник на Тетово.
Касами рече дека булеварот во овој дел ќе биде завршен до крај, бидејќи е постигнат договор со жителите за експропријација на имотите.
„Булеварот ќе биде завршен до крај како што е предвидено со урбанистичкиот план и проектот што го реализираме. Разговаравме со жителите и во договор со жителите сите спорови се решени, и веруваме дека во соработка со граѓаните ќе се реши целиот проект кој ќе чини некаде околу 200.000 евра“, додаде Билал Касами, градоначалник на Тетово.
Инаку, изградбата на булеварот „Благоја Тоска“ во Тетово се одолговлекува повеќе од две децении, а се ветува во речиси секој изборен циклус./Алсат.мк
Башким Сулејмани
Извор: alsat.mk
