Билансот на загинати Палестинци во израелските напади врз Појасот Газа достигна 24.762

АНКАРА (АА) – Бројот на загинати Палестинци во израелските напади врз Појасот Газа, кои започнаа на 7 октомври, се искачи на 24.762, соопшти денес Министерството за здравство на Газа, јавува Анадолу.

Министерството додаде дека досега вкупно 62.108 лица се повредени во офанзивата.

„Израелската окупација (израелските сили) извршија 12 масакри на семејства во Појасот Газа, оставајќи 142 мртви и 278 повредени во текот на изминатите 24 часа“, соопшти Министерството.

„Многу луѓе сè уште се под урнатините и на патиштата бидејќи спасувачите не можат да стигнат до нив“, се истакнува од Министерството.

Израел започна напади врз Појасот Газа по прекуграничниот напад на Хамас на 7 октомври, во кој Тел Авив вели дека загинале речиси 1.200 Израелци.

Според Обединетите нации, 85 отсто од населението во Газа е внатрешно раселено, постои акутен недостиг на храна, чиста вода и лекови, додека 60 отсто од инфраструктурата е оштетена или уништена.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.