Јеменските бунтовници, Хути, ја презедоа одговорноста за уште еден напад врз американски брод рано во петокот, откако Соединетите Држави започнаа нови напади врз цели на бунтовниците за нивните напади врз бродови во и околу Црвеното Море.
Додека бунтовниците поддржани од Иран тврдеа дека погодиле комерцијален брод во Аденскиот Залив, американската војска подоцна објави дека проектилите на групата ја промашиле целта, пренесува Ројтерс.
Хутите во соопштението објавено на социјалните мрежи рекоа дека нивните „поморски сили… спроведоа операција насочена кон американскиот брод“ – „со неколку соодветни поморски проектили, што резултираше со директни удари“.
Не беа дадени ниту време ниту други детали.
Централната команда на американската војска, која е одговорна за Блискиот Исток, објави дека во четвртокот вечерта, Хутите „истрелале две противбродски балистички проектили врз бродот.
Извор: alsat.mk
