Заглавени лица со моторно возило на врвот на Галичица, вчера рано изутрината биле спасени од Единицата за спасување на планина во Охрид.
Како што известуваат од Центарот за управување со кризи, спасителната акција на Галичица која е успешно завршена во координација на Секторот за операции и координација се одвивала од 5 до 8 часот по повик на телефонскиот број 112.
Оттаму додаваат дека паралелно било комуницирано и со лицата заглавени во возилото, за да се дознае повеќе за нивната здравствена состојба. При тоа, биле информирани дека спасителите се на пат за нивно извлекување.
Извор: 24vesti.mk
