Најмалку 122 Палестинци загинаа, а уште 256 се повредени во последните 24 часа откако израелските сили продолжија со тековниот напад во опколениот Појас Газа, соопшти Министерството за здравство во Газа, пренесува Анадолу.
„Израелската окупација изврши 12 масакри врз семејства во Појасот Газа, што резултираше со 122 жртви и 256 повредени во текот на изминатите 24 часа“, се вели во соопштението на Министерството за здравство.
Бројот на палестински загинати од тековните напади на израелската армија врз Газа од 7 октомври се искачи на 22.722, а 58.166 лица се повредени, додаде Министерството.
Израел започна немилосрдни воздушни и копнени напади врз Појасот Газа по прекуграничниот напад на палестинската група на отпор, Хамас, на 7 октомври.
Оттогаш се убиени најмалку 22.722 Палестинци, а 58.166 повредени, според здравствените власти на Газа. Според официјалните бројки, речиси 1.200 лица загинаа во Израел.
Нападот ја остави Газа во урнатини, при што 60 отсто од инфраструктурата на енклавата е оштетена или уништена, а речиси 2 милиони жители се раселени поради сериозен недостиг на храна, чиста вода и лекови.
Извор: www.aa.com.tr
