На денешната седница на Советот на Град Скопје, претставниците од Зелен Хуман Град беа најгласни против предлог буџетот за следната година.
„Зар сме во воена состојба за да губиме 5600 животи во државава? Јас не можам да разберам како може да дозволиме вакви буџети да продожуваат?“, праша советникот од оваа иницијатива, Горјан Јовановски.
Тој дополни: Во овој буџет, каде над 46% е намалена ставката за заштита од животната средина, каде не се објавени детали за воопшто кои проекти ќе се работат, ние НЕМА да го гласаме.
Оваа кутија која симболизира 5600 изгубени животи (што други советници ја тргаа од говорницата зошто вистината им смета), ја оставивме под елката на Град Скопје. Се надеваме таа ќе ги потсеќа дека со популистички мерки воздухот ќе продожи да е загаден, луѓе ќе продолжат да се иселуваат, а тие што не можат, ќе продожат да умираат.
Според Зелен Хуман Град, Буџетот е круцијален документ кој мора да се носи во соработка со граѓаните и со советниците кои ги претставуваат нив. Тоа што ние сега го добиваме е документ изработен без никакво наше учество. За целото ова време додека најважниот документ за скопјани се составуваше зад затворени врати, на градските сектори им беше забрането директно да комуницираат со нас, советниците, посочија од иницијативата.
ЗХГ нема да го гласа овој буџет и неговите програми, додека не:
– Се организира средба помеѓу секторите, градоначалничката и сите советници, и буџетот биде заеднички составен
– Се добие т.н. „описен дел“ од буџетот каде што се гледа точно колку средства се планирани за секој проект поединечно
– Се дозволи директна соработка со секторите, без потреба од присуство или зелено светло од градоначалник (нешто што ни следува според деловник)
– Се комплетираат проектите започнати со амандмани од претходните 2 години
– Се вклучат во буџет бројни и ефективни мерки за намалување на аерозагадувањето според барањата на ЗХГ
ИЗВОР: skopjeinfo.mk
