реклама
Цената на струјата за потрошувачите од првиот блок се намалува за 5,16 посто, за вториот блок и евтината тарифа остануваат исти, а единствено поскапуваат третиот блок за 2,88 и четвртиот за 1,86 проценти. Новите цени ќе важат први јануари идната година, објави првиот човек на Регулаторна комисија Марко Бислимовски. Ова ќе значи дека граѓаните кои досега плаќале околу 2.000 денари струја, со тоа што се намалува цената а се додаваат 200 денари за пристап, во иднина ќе имаат скоро исти сметки. Ова се однесува на околу 80 проценти од потрошувачите кои главно се во првиот и вториот блок.
„Тоа доведе уште еднаш потенцирам до намалување на цената во првиот блок за 5.16 проценти, цената на евтината тарифа останува иста, цената во вториот блок исто така, останува иста.
Со самиот факт што имаме евтина тарифа од 13 до 15 часот дополнително голем број на домаќинства ќе ја префрлат потрошувачката во евтината тарифа, така што тука некаде ќе бидат сметките, ќе бидат некаде пониски, некаде исти, единствено ќе бидат повисоки кај оние кои што имаат потрошувачка нула.“, вели Бислимоски.
Од јануари се воведува и надоместокот за пренос на мрежа кон сите сметки кој ќе изнесува 200 денари што значи дека ќе го плаќаат и оние кои имаат празни станови или викендици. Првиот регулатор Бислимовски рече дека со воведувањето на ваквиот надоместок се намалува цената на мрежарина. Доколку тоа не се направело, тогаш цената на електричната енергија ќе се зголемела. Ова го потврди и министерот за економија Крешник Бектеши.
!На сметка на две илјади денари ако тарифата за дистрибутивна мрежа е моментално речиси двојно од тоа што се плаќа за електрична енергија таму има намалување од 27 посто. На илјада денари намалување од 27 посто е 270 денари и ако плаќаш надоместок од 200 денари, значи имаш намалување од 70 денари, да не зборуваме за сметки што се повеќе од илјада денари“, рече Бектеши.
Во врска со прилагодувањето на броилата за евтина тарифа, беше речено дека во голем дел односно кај 80 проценти од потрошувачите, тие се префрлени на евтината тарифа која е од 13 до 15 часот.
реклама
