Оваа година Дедо Мраз повторно доаѓа во Кисела Вода на уникатен начин и не еден, туку 3 дена ќе биде кај нас и ќе подели пакетчиња за сите, секако ќе има и одлична забава, соопшти вчера првиот човек на скопската општина Кисела Вода.
Новогодишниот караван започнува од утре (среда) каде што Дедо Мраз во 10 часот ќе пристигне во Паркот на бранителите во Драчево.
Во четврток (28.12.2023), исто во 10 часот ќе биде пред Домот на култура ,,Билјана Беличанец” од каде ќе се упати во градинките да ги израдува најмалите, а петокот е резервиран за неверојатна двочасовна забава во Расадник, наспроти училиштето ,,Кирил Пејчиновиќ”.
На 29.12.2023 во петок, во 12 часот со детска претстава започнува големиот хепенинг за сите деца од Кисела Вода, но и пошироко, додека во 12:40 со свој концерт ќе настапат Детски фестивал Поточиња. Во 13:30 ќе ве забавуват Сара Мејс и Данса Латина Стефи со заеднички настап, а од 13:45 популарните кај младата популација, Пајак и Лара. На крајот од хепенингот, Дедо Мраз ќе подели пакетчиња за сите присутни дечиња, најавуваат организаторите.
– Кисела Вода повторно ќе биде центарот на Македонија во овие три дена и затоа ве поканувам сите да ја почувствуваме Новогодишната магија, да ја испратиме старата и да си посакаме многу успех, здравје и среќа во новата што доаѓа, порача градоначалникот Орце Ѓорѓиевски.
ИЗВОР: skopjeinfo.mk
