реклама
Националистичката реторика која влијае на емоциите на граѓаните не запира и изгледа дека постојано се зголемува како што се наближуваат изборите. Политичарите главно ја користат во последно време, 6 месеци пред изборите, а оние кои се „палат“ со коментари се граѓаните на социјалните мрежи.
За илустрација, меѓу последните изјави со предрасуди беше и онаа на пратеникот на ВМРО-ДПМНЕ Игор Здравковски, кој поддржувајќи го протестот против отворањето на паралелка на албански јазик во Чашка, ги обвини Албанците за „заземање на територии“.
реклама
Од друга страна, претседателот на Беса, Биљал Касами, на денот на албанското знаме и денот кога ја потпишаа соработката во рамките на Европски сојуз за промени, рече дека по Косово, и РСМ ќе стане албанска држава.
„Денеска во Тетово ќе се обединиме Косово, Македонија и Прешевската долина за да ја направиме втората албанска држава Косово, после Косово, зошто да не и Македонија“, вели Биљал Касами..
реклама
А кога сме во Тетово, настаните со крстот во манастирскиот комплекс во Попова Шапка, исто така, беа жариште за кревање националистичка и религиозна прашина.
Како да не беа доволни случувањата во изминатите неколку недели, синоќа некој во дворот на црквата го постави албанското знаме на местото на знамето на МПЦ. Лицето е уапсено и знамето е тргнато, но овој настан за популизам го искористи директорот на Центарот за управување со кризи Стојанче Ангелов, чија функција која ја извршува нема никаква поврзаност со настанот.
реклама
Универзитетската професорка Мирјана Малевска вели дека граѓаните не треба да наседнуваат на ваквите провокации со етнички карактер бидејќи тоа се прави со договор меѓу политичките чинители кои по изборите пак ќе седнат заедно во Влада.
Професорката Малевска вели дека овој претеран предизборен патриотизам воопшто не е добра работа, особено во нашето општество. Овие чувства се намерно засегнати поради гласовите на граѓаните, вели Малевска, додавајќи дека по изборите се ќе се нормализира.
реклама
