реклама
Долгот на општина Тетово за две години е намален од 14 милиони на 8 милиони евра, изјави градоначалникот на општината, Биљал Касами, на средба со новинарите. Според него, тоа е направено благодарение на доброто управување, зголемената стапка на плаќањето на даноците и намалувањето на непотребните трошоци. Касами објасни дека претходното раководство платилo на извршител 1,2 милиони евра за проект кој не е реализиран. Освен тоа, не е евидентиран целиот долг и имало обиди тој да се сокрие, потенцира Касами. Дополнително обајсни за прашањето за исплата на долгот преку обврзницата на Владата и Министерството за финансии. Според него, Владата не и го простила тој долг на општината, туку општината десет години по ред ќе треба да плаќа по 400.000 евра секоја година на Владата, која потоа ќе го исплати долгот кон компанијата.
„Додека дојдов јас, и Владата и Општината беа предводени од иста партија и ние знаеме дека Владата го исплати пола од долгот и за две години, општината двојно го зголеми долгот, во тој случај зошто Владата во тоа време не излезе и каже дека тие го намалиле долгот. Сега мило ми е што се фалат, но која друга општина која е под раководство на ДУИ го искористила овој инструмент. Толку биле милосливи и ѝ го платиле долгот само на општина Тетово и Желино, каде се општините на ДУИ за кои знаеме дека се до гуша во долгови“, порача Касами.
реклама
На оваа средба со новинарите, градоначалникот на Тетово истакна дека обврзницата не им е дадена како пари затоа и градоначалниците на другите општини не биле заинтересирани бидејќи не можат да ги злоупотребат.
„Со интензитетот на работите кои ги вршиме во делот на инфраструктурата и ЈП Државни патишта асфалтираше неколку улици во Тетово. Каде беа за да го направат истото. Затоа уште еднаш ќе кажам дека општина Тетово има ново раководство на чело на општина и ја обврзуваме и Владата да има поинаков пристап кон Тетово. Бидејќи Владата беше иста и пред да дојдеме ние на чело на општина Тетово но ја игнорираше целосно општина Тетово“, вели Касами.
реклама
Касами истакна дека една година работел со секторот за финансии и буџет за да ја добијат таа обврзница. Клучно за да ја добијат обврзницата од Владата бил договорот со бизнисите, а според Касами со најголемиот дел од овие бизниси имаат договор долгот да се плати на рати, а бизнисите не се уценети – кога ќе се направи исплаќањето да побараат процент.
реклама
