реклама
Авионот на „Ер Србија“ денеска ги евакуираше државјаните на Северна Македонија, Црна Гора, Албанија и Србија од Израел, и на тој начин им помогна да се вратат дома од завојуваната земја.
На објавеното видео се гледа дека авионот бил полн, а Душан Вујовиќ, конзул на српската амбасада во Израел, им посакал на сите патници да се видат во „подобри услови“.
реклама
- Драги пријатели, го качивме последниот патник. Ви посакувам се најдобро, убав пат. Ве поздравувам од амбасадите на Србија, Северна Македонија, деловниот конзулат на Црна Гора и Амбасадата на Албанија од моите драги колеги кои сето ова го организираа на терен. Прво летате за Скопје, па за Белград, чувајте се и се надевам дека ќе се видиме во подобри времиња. Се најдобро уште еднаш – рече Вујовиќ.
Инаку, Владата на Северна Македонија вчера соопшти дека ќе ги сноси сите трошоци за летот.
– Во услови на целосно откажани летови и блокиран авиопревоз со Израел, предизвикот за организирање на овој чартер лет беше надминат со соработка со „Ер Србија“ за превоз на граѓаните кои побараа помош – се наведуваше вчера во официјалното соопштение на Владата на Северна Македонија.
реклама
