Сомнежи за злоупотреба на децата питачи, Тренчевска вели дека проблемот не може да се реши за еден ден

ТВ21: Што бараш?
-Некој денар!
ТВ21: Дали некој те испратил да бараш пари?
-Не!

Зголемен е бројот на деца питачи по улиците на градот во последно време.

Зошто бараш тогаш?
За леб!
За леб?
Да!
Дали некој ти ги зема парите кои ти ги даваат луѓето овде?
Мајка ми, купува за јадење!

Постојат сомнежи дека тие се злоупотребуваат од организирана група. За ова зборуваше и Илија Јовановиќ, прв човек на невладиното здружение „Градиме иднина“. Според него, групата на мафиози се познати и на Министерството за внатрешни работи. Тој додаде дека и девојчињата на возраст од 14 до 16 години се злоупотребуваат за проституција.

А според министерката за труд и социјална политика, Јована Тренчевска, прашањето со питачите не е нешто што може да се реши преку ден. Увери дека пред да почне зимскиот период ќе има повеќе екипи на оние места кои се најпосетувани од деца кои питачат.

Илија Јовановиќ рече дека бараат од Министерството за образование 18.700 деца кои се на улица да се вратат во училишните клупи и да нема дискриминација.