АТИНА (АА) – Бројот на регистрирани случаи на Ковид-19 во Грција нагло се зголеми во последните денови, пренесува Анадолу.
Според податоците на грчката Национална агенција за јавно здравје (EODY), од 18 до 24 септември се зголемил бројот на случаи на Ковид-19, хоспитализирани и интубирани поради вирусот.
Повеќе од 800 лица се хоспитализирани во болниците, а бројот на интубирани пациенти надмина 150.
Според весникот „Та неа“, новиот процес на вакцинација против Ковид-19 ќе започне во октомври.
Акцентот ќе биде ставен на вакцинацијата на старите лица и лицата со хронични заболувања.
Грција веќе обезбеди 1,6 милиони дози вакцина за новиот процес на вакцинација.
Овој пат вакцинацијата не е задолжителна и граѓаните можат да аплицираат за неа.
