реклама
Откако ТВ21 објави за неовластено градење на објект во Чаир, градоначалникот во нашето студио информираше во детали. Според него, инвеститорот е непознат и скришно се прават напори таму да се подигне нова зграда.
„Прв пат кога отидовме, поради тоа што почнало да се гради во доцните часови навечер и добивме информации од граѓаните, еднаш сме се обиделе со инспекторатот да излеземе на терен и кога отидовме таму видовме луѓе како работат и се обиделе да ги убедат инспекторите дека имаат дозвола. Уште еднаш ќе потврдам дека немаат дозвола“, вели Висар Ганиу.
реклама
Ганиу еднаш ја запрал изградбата, но откако наша екипа беше повторно, утврдивме дека изградбата продолжува.
„На сите граѓани им гарантирам дека овде, освен што има детален план, нема колективни туку индивидуални објекти, не може да се гради на оваа парцела. Од друга страна, и јас ви благодарам како медиум, иако секојдневно набљудувавме, следејќи ја состојбата во овој објект. Но, вчера видовме дека некои работници повторно почнале да работат внатре. Денеска секторот за урбанистичкото планирање одржа состанок, одлучено е кој и да работи таму, но и било која фирма што ќе се појави таму, дури и да не се појави сопственикот, да поднесеме кривична пријава против оние кои ќе да бидат фатени таму. Таму е дивоградба, немаат одобрение за градба и гарантирам дека ништо нема да се гради“, порача Висар Ганиу.
реклама
Случајот е пријавен и во полиција, а од таму велат дека констатирале дека правното лице што ги врши работите има градежни дозволи.
„По излегување на полициски службеници од ПС Бит Пазар на посочената локација утврдено е дека правниот субјект кој извршувал градежни работи ги поседува сите дозволи за градба“, велат од МВР
реклама
Инаку, објектот почна да се гради пред еден месец, а најмногу се пожалија стари лица кои живеат во домот за стари лица. Тие се револтирани затоа што се гради толку блиску и нема да имаат светло.
реклама
