реклама
Ова се претставниците на победничките компании од јавниот повик за „Кофинансирани грантови за технолошки развој за забрзан економски раст“. Со овој повик Фондот за иновации и технолошки развој вкупно 4.4 милиони евра ги распределуваа за поддршка на 86 домашни претпријатија за да ги реализираат своите иновативни проекти.
„семејството на ФИТР од денеска се зголемува за 86 нови претпријатија и со оваа бројка, портофлиото на ФИТР брои 1.153 кофинансирани проекти кои реализирале, реализираат или ќе започнат со реализација со проекти во вкупна вредност од 130 милиони евра. Ова е јасен показател дека Фондот за иновации и технолошки развој е вистински дом за сите микро, мали и средни претпријатија“, вели Фестим Халили.
реклама
Министерот за образование, Јетон Шаќири, како претставник на Владата, го поздрави овој проект и им посака добра соработка на претпријатијата и ФИТР. Тој рече дека ова е добар пример за соработка меѓу институциите и компаниите во однос на забрзување на економскиот раст.
„Ние, со формирањето на Фондот за иновации како институција и со поддршката што ја дава директорот за бизнис секторот и проектите кои мора да се одобрат, а бидејќи овие 86 проекти се добар пример, е доказ како треба да соработуваме во процесите кои се важни за тоа што сите го сакаме и имаат технолошки развој и забрзан економски раст“, порача Јетон Шаќири.
реклама
Според директорот на Фондот за иновации, со ова се поттикнува технолошкиот развој и економскиот раст во екосистемот на стартапи и екосистемот на микро компании, мали и големи компании кај нас. Инаку, Фондот за иновации досега кофинансирал 1153 претпријатија, поддржал 123 училишта и 900 ученици и ментори.
реклама
