Општина Тетово ги заборави, но не и Фикрета – не се плаши, секој ден ги храни кучињата скитници

Ова е Фикрета Цејковиќ, од Тетово. Таа која секој ден им дава храна на 5 улични кучиња два пати на ден. Според неа овие кучиња се оставени на милост и немилост бидејќи никој не се грижи за нив.

Фикрета вели дека кучињата не се агресивни, доколку не ги нападнете први нема да ве напаѓаат. Таа се плаши од кучиња кои не ги познава.

Според Фикрета овие кучиња не траба да бидат на улица бидејќи според неа парите од тендерите не одат за овие кучиња.

Но што мислат другите граѓани.

„Сметам дека итно треба да се преземат мерки и кучињата да бидат отстранети од улиците бидејќи има и деца кои одат на училиште и децата се плашат од кучињата бидејќи кучињата скиници се опасни и можат да ги напаѓаат децата“.

Но во Тетово веќе 9 месеци никој не се бави со третирање на кучињата скитници. Иако за овој проблем е ветено решение, од општина Тетово се уште не започнале постапка за јавна набавка за оваа прашање.

„Постапката за изградба на стационар за кучиња скитници моментално е во процесна фаза и се развива со целосна сериозност и посветеност. Во блиска иднина (без да прецизираме време) ќе го започнеме и процесот на јавни набавки каде сите заинтересирани ќе имаат можност да ги достават своите понуди за да помогнат во изградбата на овој важен стационар“, посочија од општината.

Според официјалните податоци од СВР Тетово за девет месеци има повеќе каснувања во однос на лани. До 26 септември имало 84 пријави за каснувања од кучиња скитници. Во 2022 година имало 62 каснувања. Општина Тетово за две години третирала само 82 кучиња скитници, а тоа покажува дека бројот на кучиња во Тетово се зголемува, а најголем дел од нив се невакцинирани.