СКОПЈЕ (АА) – Сервисот на Агенција Анадолу (AA) на албански јазик денеска ја одбележува деветтата годишнина од почетокот на објавувањето вести на албански јазик.
Пред девет години, на 1 октомври 2014 година, АА почна да објавува вести на албански јазик, додека на 9 ноември 2015 година го отвори своето седиште во Скопје, од каде што работи заедно со Сервисот на АА на македонски јазик.
Во текот на овие години со објавувањето вести на албански јазик од сите страни на светот, проследени со фото и видеосодржини, сервисот на Анадолу на албански јазик постигна активна димензија и е близок до читателите од овој регион и пошироко.
Со своето присуство во регионот, во текот на своето деветгодишно постоење, сервисот на Анадолу на албански јазик брои над 152.000 објавени вести, со над 57.000 фотогалерии и над 33.000 видеоматеријали.
Агенција Анадолу ги објавува своите содржини на турски, англиски, арапски, француски, босански/хрватски/српски/црногорски (БХСЦ), руски, сорани и курманџи, на албански, македонски, персиски, индонезиски и шпански јазик.
Потсетуваме, Анадолу е една од десетте најголеми агенции на светската ранг-листа, која секој ден на сите јазици достигнува близу 3 илјади објави на вести, фотографии и видеа.
