реклама
Денот на Бошњаците, кој е и официјален национален празник за припадниците на бошњачката нација во Северна Македонија, беше одбележан со свеченост во хотелот Александар Палас во Скопје, во организација на Партијата за демократска акција (СДА) на Македонија.
Меѓу присутните на прославата беа истакнати личности од јавниот живот, претставници на дипломатскиот кор, политички партии, министри, пратеници и претставници на граѓанскиот сектор.
реклама
На присутните им се обрати претседателот на СДА Македонија, Џелал Хоџиќ кој потсети дека ширум светот се одбележува Меѓународниот ден на Бошњаците, чија цел е зачувување на националниот идентитет, а по повод 30 години од 28 септември, 1993 година, кога во Сараево се одржа Бошњачкото Собрание и беше донесена одлука за враќање на историското име „Бошњаци“ и историското име на јазикот „босански“.
Хоџиќ истакна дека при пописот на населението во 1994 година, Бошњаците од Македонија ја имале првата можност да го користат историското име „Бошњак“ и да го наречат јазикот „бошњачки“.
реклама
Тој се осврна на конструктивната улога на Бошњаците во изградбата на независна македонска држава, која започна со поддршката за референдумот за независност во 1991 година.
Хоџиќ истакна дека Бошњаците се интегрирани во македонското мултикултурно општество и дека Бошњаците се врска за одлични односи, без отворени прашања, меѓу Северна Македонија и Босна и Херцеговина.
реклама
На прославата говореше и вицепремиерот за евроинтеграции Бојан Маричиќ, кој истакна дека Бошњаците се вреден дел од македонскиот културен мозаик. Маричиќ им оддаде признание на припадниците на бошњачката нација за нивниот придонес во развојот на Северна Македонија како демократска држава, како и за нивниот придонес во остварувањето на стратешките цели на државата.
Претседателот на СДА Македонија, г. Хоџиќ, заедно со вицепремиерот за евроинтеграции, г-дин Маричиќ, испратија порака дека следната стратешка цел и на бошњачкиот народ и на Северна Македонија како држава е членството во Европската Унија. како следен чекор по членството во НАТО.
Присутните медиуми имаа можност да ја видат одличната атмосфера и убавата енергија што остави белег на официјалното одбележување на Денот на Бошњаците.
реклама
