Врачена наградата „Прозарт“ на словенечкиот писател Драго Јанчар

September 20, 2023
2 mins read

Ние му пркосиме на историското време и ја исмеваме човечката комедија или сочувствуваме со човечката трагедија, но истовремено знаеме дека не можеме да промениме нешто суштинско. А сепак, продолжуваме да пишуваме, бидејќи така сака нашата желба за опишување. И понекогаш му помага на некој читател, нема да речам да живее, туку да ги разбере човечката страст, тага, радост и заблуда – рече словенечкиот писател Драго Јанчар синоќа во своето обраќање по повод врачувањето на наградата „Прозарт“, што му ја додели Интернационалниот литературен фестивал „ПРО-ЗА Балкан“.

Обраќајќи им се на членовите на жирито, преведувачите на неговите книги, пријатели и читателите на неговите книги на македонски јазик, Јанчар додаде дека ова признание му е особено при срце, бидејќи, во добро и лошо, голем дел од неговиот живот е поврзан со балканскиот дел од Европа.

Оваа награда што ја добивам денес особено ми е драга. Не затоа што е за уметност на прозата, воопшто литературна уметност, центарот на сѐ што правам и што ме интересира, бидејќи со балканскиот дел од Европа е поврзан голем дел од мојот живот, и во добро и во лошо. Благодарам за неа – дополни тој.

Наградата му ја врачи претседателот на Одборот за доделување на наградата „Прозарт“, Ермис Лафазановски.

Секој од авторите-гости на фестивалот се претстави со извадоци од свои дела на јазикот на кој твори. Во Даут-пашиниот амам, заедно со Јанчар, синоќа читаа писателите: Снежана Младеновска-Анѓелков, Тарик Туфан, Владимир Левчев, Ренато Баретиќ, Даница Вукиќевиќ и Слободан Шијан. Сите имаа можност да се дружат во изминатите три дена заедно со членовите на програмата „Скопје фелоушип“.

Фестивалот го затвори неговиот основач, Дејан Трајкоски, кој им се заблагодари на сите гости и на тимот со којшто континуирано работат 11 години. Тој рече:

Се надевам дека фестивалот и оваа година беше како во песната на Радован Павловски: Подајте ми триножно столче / Во просторот да седнам / И сè што ве боли речете ми / Со метафора ќе го искамшикувам.

Во рамките на дополнителната програма на фестивалот, вечерва во 20 часот во Кинотеката во Скопје ќе биде прикажан култниот филм од 1980 година „Кој тоа таму пее“ на Слободан Шијан, кој е гостин на „ПРО-ЗА Балкан“. Во рамките на настанот предвидена е сесија со прашања и одговори и разговор меѓу Слободан Шијан и Александар Прокопиев, уметничкиот директор на фестивалот.

Програмата „Скопје фелоушип“ оваа година е дел од меѓународниот проект „Читај, сподели, уживај“, се реализира во соработка со КУД Содобност од Словенија а ко-финансиранa е од програмата „Креативна Европа“ на Европската Унија. Учесниците на програмата „Скопје фелоушип“ вчера имаа можност да се информираат повеќе за Конкурсот за финансирање преводи на странски издавачи на репрезентативни дела од македонската книжевност на странски јазици. На средбата со д-р Билјана Туџаровска-Ќупева, раководителка на секторот за издавачка дејност издавачите и книжевни агенти од Италија, Франција, Шпанија, Германија и Словенија можеа да дознаат повеќе за условите за превод на наши современи изданија на светските јазици.Тие исто така имаа средба со претставници од издавачките куќи „Чудна шума“ и „Гаврош“ од Скопје.

Организатор на фестивалот „ПРО-ЗА Балкан“ е издавачката куќа „Прозарт медиа“ од Скопје. Поддржувачи се: Министерството за култура, „Традуки“, Турскиот културен центар „Јунус Емре“, Европска Унија, Амбасадата на Словенија, Културно-информативен центар на Бугарија во Скопје, Кинотеката, Национална Галерија, СПОНА, Бовин и Умно.мк.

 

Republika.mk – содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

ИЗВОР: republika.mk

MARKETING

MARKETING

MARKETING

Претходно

Приведен кумановец, управувал возило со украдени таблички

Следно

Руси на руско

Latest from Blog

Герасимовски: Култната сала Работнички во Градскиот парк ќе блесне во ново руво

Реконструкцијата се одвива според предвидената динамика. Во првата фаза до месец март планираме да поставиме нов кров и фасада, како и комплетно реновирање на канцелариските простории кадешто беа сместени спортските федерации. Новитет

Возете внимателно: Намалена видливост поради магла на патот Гајре- Попова Шапка

Поради појава на магла намалена видливост до 30 метри вечерва има на патниот правец село Гајре – Попова Шапка, информираат од Јавното претпријатие „Македонија пат“. Од претпријатието посочуваат дека сообраќајот на останатите

Градоначалник на Крива Паланка, Митовски: Експресниот пат е од голема важност, граѓаните ги чувствуваат придобивките од политиките на СДСМ

„Денеска со голема гордност и радост ја споделуваме веста за завршувањето на експресниот пат Страцин – Крива Паланка. Овој проект беше започнат од СДСМ во 2018 година и над 90% од градежните

Полска не го покани Орбан на преземањето на претседателството со ЕУ

Официјална Варшава ја презеде палката за претседавање со ЕУ,  Кошта порача дека Полска е најдобрата приказна на проширувањето – Орбан не беше поканет на церемонијата.  Премиерот Доналд Туск кој во следните 6
Go toTop