ТОРОНТО (АА) – Руското Министерство за одбрана рано утрово соопшти дека руските системи за противвоздушна одбрана спречиле украински обид за напади со беспилотни летала од видот на авиони во регионите Бријанск и Калуга, пренесува Анадолу.
Украина синоќа се обиде да изврши „терористички напад“ на руска територија со беспилотни летала, се вели во соопштението на Министерството.
Две украински беспилотни летала се соборени во областа Бријанск, а едно во регионот Калуга, се додава во соопштението.
Нападите со дронови во Русија драматично се зголемија во последните месеци, особено во Москва и регионите на земјата што граничат со Украина, а властите го обвинуваат Киев дека стои зад нив.
Иако Киев досега нема преземено одговорност, украинскиот претседател Владимир Зеленски на крајот на јули рече дека нападите на руска територија се „неизбежен, природен и апсолутно фер процес“.
