ИДЛИБ (АА) – Американската војска, која реализира воена обука на терористичката организација ПКК/ЈПГ во Сирија, одржа заедничка вооружена вежба со терористите во подрачјето на Камишли, кое се наоѓа на северозападниот дел на покраината Хасека, пренесува Анадолу.
Според информациите добиени од локални извори, вежбата на американските војници, заедно со десетици терористи на ПКК/ЈПГ во Камишли, била реализирана во периодот од 15 до 17 август.
Во оваа заедничка обука било вклучено противавионско оружје, оклопни борбени возила од типот „Бредли“ од американско производство, како и различен вид тешко оружје.
Американската војска често ѝ обезбедува воена обука на терористичката организација ПКК/ЈПГ во нејзините бази на нафтените полиња Ел-Омер и Конико кои се наоѓаат во подрачјето на Деир ез-Зор и на планината Абдулазиз во Хасека.
