реклама
Посетата на косовскиот премиер Албин Курти на Северна Македонија предизвика многу реакции на политичката сцена, особено што тој гостуваше во две општини предводени од опозицијата. Иако за вицепремиерот Артан Груби, Курти е добредојден во Македонија, тој сепак смета дека одредени политички партии и поединци се обидуваат да го злоупотребат неговиот имиџ за политички цели.
-Друга работа е колку други политички партии, други поединци се обидуваат да ја злоупотребат посетата на господинот Курти за нивните дневно-политички агенди, но граѓаните го гледаат ова“, рече Груби.
реклама
На ист став е и премиерот на земјава Димитар Ковачевски.
Претседателот на Алтернатива, Африм Гаши, кој тој ден беше поканет и на двата настани во Чаир и Тетово, смета дека ваквите ставови се навреда за премиерот Курти поради интелектуалните вредности што ги поседува. Со ова Гаши вели дека е навреден и Курти, но и 50 отсто од граѓаните на Косово кои гласале за него.
реклама
-Мислам дека најголемата навреда што можеш да му ја нанесеш на премиерот како Албин Курти е да му кажеш дека некој го злоупотребува. Можете да претендирате да злоупотребите едно седумгодишно дете, но премиер како Албин Курти и неговите интелектуални вредности и неговата вештина, да му кажеш дека некој те злоупотребува е најголемата навреда што можеш да ја му направиш нему и на граѓаните на Косово кои гласаа за него. Така навредувате 50% од граѓаните на Косово кои гласале за тој човек.“, изјави Гаши.
Инаку, за организираните настани во Тетово и Чаир кривични пријави добија градоначалниците на двете општини Биљал Касами и Висар Ганиу. Истите се обвинети дека не го поставиле државното знаме и не била интонирана македонската химна. Целиот овој метеж што беше предизвикан по доаѓањето на премиерот Курти во Македонија, претседател на Република Косово, е едноставно недоразбирање што може да се поправи.
реклама
реклама
