реклама
Денеска беше регистриран трет случај на конго-кримска хеморагична треска во земјава. Велешанец на 42 години почувствувал покачена температура и главоболка, и побарал лекарска помош.
Директорката на Инфективна клинија, д-р Милена Стевановиќ кажа дека пациентот најверојатно се заразил од крлеж, при рибарење.
реклама
„Во саботата вечерта имавме суспектен пациент од Велешката болница и во текот на вечерта неговата дијагноза е потврдена. Пациентот е во добра состојба, се жалел на покачена температура, главоболка и побарал лекарска помош. Нема друго за клиничката слика на болеста“, рече д-р Стевановиќ.
Таа објасни дека тој наверојатно се заразил од крлеж, иако пациентот не дал таква информација, а тоа што го кажал е дека бил на рибарење кај реката Вардар, во дел каде има висока трева и трња.
реклама
„Овој пациент не дал свесно дека има каснување од крлеж. Не ретко се случуваат и такви нешта“, рече Стевановиќ и додаде:
„Целокупниот здравствен систем е активиран во државата, Клиниката за инфективни болести, епидемиолошките служби, и секој својата работа ја работи. Епидемиолозите направија анкетни листи со неговите контакти, со семејството, тројца колеги од Велешката болница, и ставени се под медицински надзор“, рече д-р Стевановиќ.
реклама
Таа објасни дека вработената на Клиниката која беше заразена од конго-кримска хеморагична треска е во добра состојба.
реклама
