Британија е насочена кон иранскиот производител на беспилотни летала „Паравар Парс“ и седум негови директори, кои се под санкции на САД од февруари, и две компании за извоз на микроелектроника со седиште во Турција
Велика Британија најави нова рунда санкции против поединци и странски компании кои ги снабдуваат руските сили со оружје и друга стока што и е потребна на Русија во нејзината војна во Украина. Санкциите на британското Министерство за надворешни работи ќе бидат насочени кон дополнителни 25 поединци и компании, од кои 22 се надвор од Русија. Ова особено се однесува на поединци и компании во Турција, Иран, Обединетите Арапски Емирати и Белорусија.
Британија е насочена кон иранскиот производител на беспилотни летала „Паравар Парс“ и седум негови директори, кои се под санкции на САД од февруари, и две компании за извоз на микроелектроника со седиште во Турција.
На компаниите кои работат во Обединетото Кралство (ОК) со санкциите им беше забрането да основаат фондации или да склучуваат слични договори, а нивните средства беа замрзнати, вклучително и имотот кој го имаат во ОК.
Владата воведе санкции за голем број поединци, вклучително и за швајцарскиот државјанин Анселм Оскар Шмуцки, за давање финансиски услуги преку Дулак капитал Лтд. со седиште во Швајцарија. Словачкиот државјанин Ашот Мкртичев е санкциониран „за вмешаност во обид за склучување договор за испорака на оружје меѓу Северна Кореја и Русија“, се вели во соопштението за печатот на Форин офисот.
„Денешните санкции дополнително ќе го намалат рускиот арсенал и ќе ја затворат мрежата на синџири за снабдување кои ја поддржуваат одбранбената индустрија на претседателот Путин. Сите оние кои ја поддржуваат руската воена машина немаат каде да се сокријат“,
изјави британскиот министер за надворешни работи Џејмс Клеверли.
Обединетото Кралство, кое е и главниот помагач на Украина во борбата против руската агресија, веќе санкционираше повеќе од 1 600 компании и поединци од почетокот на руската инвазија на Украина во февруари 2022 година.
Извор: 360stepeni.mk
