(ФОТО) Пет лица загинаа во руски ракетен напад во Покровск, Украина

Како што објави украинскиот министер за внатрешни работи Игор Клименко, четворица цивили загинале уште во првиот напад, а едeн од службениците за итни случаи на Доњецк загинал за време на вториот напад

Пет лица загинаа, а 31 се повредени во два руски ракетни напади врз стамбени згради во градот Покровск во источна Украина во регионот на Доњецк, објави украинскиот министер за внатрешни работи Игор Клименко, пренесе Ројтерс.

На видеата и фотографиите објавени од украинските власти се гледаат луѓе меѓу урнатините во кои е и петкатна зграда. На местото имало и амбулантно возило со кое им се помагало на повредените.

Според Клименко, четворица цивили загинале уште во првиот напад, а едeн од од службениците за итни случаи на Доњецк загинал за време на вториот напад. Клименко вели дека во тек е операција за потрага и спасување.

Андриј Јермак, шеф на претседателскиот кабинет на Украина, подоцна пријавил дополнителни две жртви на руски напад во селото Крухлиакифка во областа Купианск.